AI狂熱下淆底投資人的債券思考

AI狂熱爆發，美股指數狂破新高，主角們價格水漲船高，難以買下手；另一方面標普成份股表現背離，美國失業率開始上升，巿場開始憂慮衰退影響股巿；高息環境下全力做定期嘅呼聲都聽唔少。到底今時今日我地處於一個點嘅投資嘅環境，而債券又係咪一個好嘅投資呢？本文將由債券本質開始，探討投資嘅典形考慮，闡述債券嘅機遇，以及比較債券與債基在組合中的存在意義。

咩係債券？

債券是一種借據，持有人借出資金給公司或政府，並在到期時獲得本金和利息。與股權不同，債券具有固定的收益和優先於股東的索取權，因此回報較穩定。債券的價格波動較小，適合使用槓桿，並且現金分派穩定，可作為投資組合中的現金工廠。市場有時會出現低估的債券，也可能提供額外的投機回報。如果呢一小段文字滿足唔到你嘅求知慾，請參閱 https://3gcashflow.blogspot.com/2020/09/what-is-bondbond.html 

投資債券嘅風險考慮

1. 利率：債券價格與RFR成反比，RFR上升，現有債券的價值會下跌。如果你之前買左張5%TBill，而短期RFR上升到6%，咁你張TBill就會比人賣貨壓價，直到債券收益率下跌至6%。更進一步，對於利率政策嘅預期都會造成債券價格波動，比如早前FED極鷹果陣，債巿係出現在高於計算嘅回調。同股票一樣，債價都會波動，不過波幅同因素都唔同。
2. 再投資：而家RFR算高，但債券係會到期。原先十年前你買落12%收益的債券，十年後RFR低左好多，你再投資可能就要接受一個低左嘅回報率。
3. 贖回：通常係RFR下跌，發行人有機會以較低利率再融資嘅時候，發行人可能會在到期日之前決定贖回債券；債券持有人將失去未來的利息收入，以及收回嘅本金要再搵位投資，但低RFR環境通常啲野都貴唔少
4. 違約：債券發行人無法履行其財務義務的風險；評級較低(垃圾債券)的債券違約風險較高；信用評等機構會評估違約的可能性。
5. 通膨：通膨可能會侵蝕債券回報的購買力；對於固定利率債券而言，利息支出雖不變但實際收益會被通膨侵蝕；例如一張5%固定利率債券,若通膨率達10%,實際回報將會減少

當前機遇

1. 加息動能減退：利率已經居於高位一段時間，係失業率微升嘅情況下，為左確保就業同適度通脹嘅FEB唔likely會再加息；經過咁長嘅高息環境，債價都settle得七七八八，無再出現初時加息咁嘅波動。
2. 新舊債息率高：舊債跌價升息、新債券提供的收益率亦因加息提高；曾經令人擔心嘅高通脹亦都回落左，貨幣及債券投資收益亦都因為咁變得穏定而有利可圖，最近檢視過幾隻買得過嘅債都有10～12%YTW。
3. 預期聯準會下調利率：RFR下降債價就會上，利率如果係近期降低，咁個價升其實係變想提早cash in左你嘅回報；如果等多2-3年先降息都無相干，咁個收益只係按番買果陣嘅預期釋放。姐係話而家入巿，早減息就早收錢，遲減息就慢慢收錢，當然前提係你計過佢唔會破產。
4. 經濟放緩下股巿居高的憂慮：當前全球經濟其實並唔係一片暢旺，美債所在嘅美國GDP都唔係好靚仔，標普只係靠AI相關嘅增長帶旺，其實其他sector都係平平甚至轉差。呢個情況下搵到啲抵買嘅公司其實唔容易。

係以上嘅背景下，以當下債息價位買入，鎖定債券的較高收益率作為長期收入來源似乎係進可攻退可守而有利可圖嘅選擇：如果利率居高不下，買完掉係度收息，幾年後到期如果仲係咁高息咁就再買；如果利率下跌，咁大可以cash in 債價上漲帶來嘅資本利得再另尋標的，當然前提係你買左之後有計劃咁搵定一啲好西去投資。

對於淆底型投資者如我，債券可為投資組合提供分散投資和穩定性。債券嘅確定性比股票高，唯一擔心嘅係破產與否，而解答呢個問題係比搵一隻爆升股容易，你唔需要一個好燦爛嘅未來，只要一個平平無奇嘅未來，以及穏定可靠嘅往蹟，再適當咁分散手上嘅債券，基本上破幾隻都唔會影響你個組合太多。有左呢個確定性，只要息差允許，就可以形成較安全的槓桿操作，進一步提高收益。

基於以上思考，近日就大手加債，未來諗緊係咪可以將部份增長倉位轉埋做債。對我尼講，債煩個位係過幾年又要再投資，唔似啲高質公司股票咁買完真係放係度唔洗理。但與其搏高入巿，都係把握左眼前呢個once in a generation嘅買債機會先吧。