[UGFR 與財報對話] 這個盈利真的嗎？盈利金流匹配

警告：今次可能有少少深，要有啲經驗先睇得明，但我儘量淺白咁帶大家走一次我嘅思路

數簿大佬：又比份功課你吖，今次唔洗捉假數，睇下粵豐環保（1381）嘅財務三表，再話我知佢嘅營運有咩特別啦。

今次我醒啦，先去股票網睇睇佢做乜先；通過股票網嘅公司簡介大約掌握業務，估計佢會有咩收支，對你識別財報異常好有幫助。AASTOCK咁講：

咁你可以expect佢主要收入係賣電，然後主要成本係收啲垃圾番尼、維修同折舊等等啦。有概念之後就去披露易搵佢嘅財報出尼睇。今次我無同啲主席糾纏（仲記得keppel DC 果條女，廢話大王尼），直攘去睇佢分部收益睇佢用咩賺咩人錢：

仆你個街，原來收垃圾果下都有錢收咁爽皮。再睇真啲，有兩筆關於BOT嘅收入，加埋佔左成一半營收，到底係咩尼？

碌落少少佢講埋每個項目嘅毛利率，發現BOT財務收入有100%咁多，這不是無中生有嗎？數簿叫我唔洗抽假數，但點睇都有啲奇怪，一定要搞清楚咩係BOT同埋呢兩筆收入係按咩準則入賬！不過先go thro埋三表先：

呢個損益表基本上係財報界嘅吳彥祖，非常靚仔：6%管銷比率暗示管理團隊非常有效、22%淨利率係電廠尼講絕對頂級（中電大約15%），驟眼睇呢間係支那少數養得掂自己嘅電廠，仲有息派，有少少吸引。但未搞清楚咩係BOT收入之前我真係唔敢亂尼。值得留意嘅係利息支出有啲多，要睇下佢資產負債上有無咩問題。

鬼，好撚鬼。無形資產一年之內升左43%，增加左2150MRMB，而物業廠房反而無增加到！

發電廠係重資產行業，每年應該都會有一大筆支出用於維修同建設，呢筆錢會加入物業廠房項目，係來年以折舊形式逐年攤分。而家物業廠房無增加到，一係佢啲野唔洗維修，一係佢無擴建，完全違反發電行業嘅常理，可疑到我變左小剛眼(-_-)。

最常見嘅無形資產係商譽，一般係高於賬面價收購公司果陣產生；收購之後，賬面價值嘅物業廠房部份會照入番相應項目，而溢價部份會以商譽記賬。家陣佢突然多左咁多，但物業廠房項不增反退，咁一係佢收購空氣，一係就係其他野大幅增加左，第18號附注絕對係睇撚硬！

資產係「啲錢洗左去邊」，負債就係「啲錢邊個出」。對番負債方，無形資產果2150M主要由銀行貸款同應付賬款加埋1328M支持。如果啲無形資產真係無形，咁就係平白增加負債，財務狀況實際上比想象中危！

電廠嘅損益表一般包含左資產折舊，但因為折舊唔係現金支出，佢會加番入營業現金流，令營業現金流入高於盈利。我滿心歡喜以為粵豐都會咁，點知無唔止，仲要係流出！抬頭一看----果然係咁，BOT收入根本唔撚係現金收入尼，必需要係現金流量表度減走；同時BOT成本就真係現金流出，所以無加番入現金流報表！屌屌屌欺騙我感情！！！！

但係一筆數過得損益表，必然係入左資產負表；既然唔係入現金項目，必然就係去左其他地方。番頭一睇，BOT收入大約2014M，而無形資產增加2150M，似乎情況就係BOT收入經損益入左無形資產。果然，附注18號咁寫：

咁到底BOT係乜東東尼？點解會咁樣入賬？現金流量表上面有講「建設-營運-移交 Build-Operate-Transfer」，google一下原來係基建項目嘅公私合作模式之一，有朋友就搵左張咁嘅圖講解埋其他合作模式：

簡單尼講，BOT就係私營公司同政府定立合約，由私人公司興建所需設施，然後營運一定年期，約滿後移交政府；而私人企業付出嘅建造同營運嘅成本就係營運期間賺番番尼；呢個模式係香港都有著名例子----閪隧。

番番尼粵豐，咁點解明明係興建成本，理應係放入資本資出唔經損益表，點解而家又放係度？呢個時候睇番佢個會計政策：

姐係話粵豐起棟野其實係收費嘅，而個收益係起果下就因為履行左義務而成為應計收入。咁但舊錢幾時先收得番？仆你個街，我摷到去上巿文件嘅會計政策先搵到：

姐係話，到楝野投產果陣，收番尼嘅垃圾處理現金收入會分做兩部份，一部份入損益確認為收入，另一部份會用尼沖銷建造收入造成嘅無形資產，將呢個數撥番去現金項目。

好快咁recap一次：由於興建之際已經履行左合約義務，因此興建收益同成本都會記入損益，以無形資產形式儲存起來；到廠房投入營運後收入嘅一部份就照計做收入，另一部份用尼沖銷筆無形資產去實現（來自遙遠過去嘅）盈利。

睇明左啲數之後，我就覺得現金流量表要做少少調整。我地而家知道銷售成本入面「BOT建設成本」係用尼起啲廠，啲廠第日係經營期入面會有產出，所以呢筆成本應該計成資本支出，加番落CFO，然後係CFI度先減，咁先反映到佢收垃圾發電（本業）帶來嘅現金流入以及起多啲廠帶來嘅現金流出。而係損益表嘅建造收益扣除成本後，然後入賬應收款項，唔係計入無形資產，咁成件事就會清楚好多。

數簿：無錯啦，1381主要想帶出嘅訊息係，損益表一定要配住現金流尼睇，唔係可能會比未實現盈利誤導左架啦！