如果大家係同我一樣跟住網際網絡長大嘅九十後，大家可能會有咁嘅認知：免費係常態，付費嘅野通常都有啲古惑。君不見上網就可以睇到免費AV同電影，原本要買嘅報紙變左online可以免費任睇？Email Service又幾時收過錢？Google同維基搵答案自古以來就係免費架啦！網絡就係一塊免費嘅黃金寶地，任何非物質嘅資源似乎都理應免費。
好老實講我都係呢兩年先發現有啲唔對路。
我落街買飯同阿嬸講：「喂靚女！我有寫財經blog架！我係三支金流吖！你上去睇兩篇文Free個包比我吖！」然後個阿嬸係會打尻我的。原來落街食個飯係要比錢架！咁維基edit啲人生活嘅資源係邊度尼？點解人地拍一套AV同電影咁大卡士我可以上網免費睇到？做呢啲野嘅人何來錢生活？
睇過一個story係有個人唔知打左幾多萬篇wiki，佢話佢一放工就會打，打左十幾年。係好西利好偉大？但震撼我嘅係佢係要番工的，佢係要自己番工去維持自己有足夠嘅生活資源去支持自己嘅興趣----打維基，一直以來佢係一個崩都無收過的。
現實就係所有人類都要衣食住行，樣樣都係錢。如果你得到啲免費嘅資源，一係人地犧牲左自己嘅勞動去free比你，一係其實你以另一啲方式比左個成本，而我地知道甘願放棄自己勞動成果嘅聖人只佔少數。正如黃經一文拋過嘅書包：經濟活動嘅基本係養家糊口。曾經我地會為WhatsApp收$8而屌到上天花板，而家好多人都開始醒覺：世上無野係免費，免費嘅野只係用左其他野支付。Server係錢，人工係錢，憑咩免費比你？Facebook嘅財報答到你。
唔理你中唔中意，我地的確生活係一個資本主義社會，一個簡單而殘酷嘅社會：有錢有得玩，無錢無得玩。你以為美國人有得投票好民主？錯啦，有錢先可以落廣告、請人研究點落廣告，再爛嘅idea只要你有資源reach到極大量嘅人，總有幾個白癡會相信；而無錢嘅思想家只可以同佢嘅朋友講佢理想嘅社會有幾理想；而作為受眾嘅我地只可以係reach到我地嘅爛橙入面揀啲無咁爛嘅橙食左佢，因為我地搵唔到好野。
資本社會入面，錢先係終極嘅選票。有錢你可以決定邊啲食店可以存活，可以決定用咩service，每一個消費決定都係對提供者嘅實際支持。曾經我地會為WhatsApp收$8而屌到上天花板，而家好多人都開始醒覺：世上無野係免費，免費嘅野只係用左其他野支付。Server係錢，人工係錢，憑咩免費比你？Facebook嘅財報答到你：唔比錢，就係授權人地攞你去賣。
香港人無野多，就係錢多。你唔需要等眾籌先投票（錢），由你午餐食黃定藍店，到你subscribe嘅patreon係沈旭暉定J圖，民主自由必須由每日生活嘅消費決定入面著手實現。係無選票嘅今日，能力所及範圍，唔好再將你嘅自主權外判出去。
我地已經錯過左whatsapp，今日我地唔好再錯過signal。
最後我係Donate comment果度寫左一句咁嘅野：
"I am a HKer. I can't vote anymore. Now I vote my money to support for your respect in my privacy. Thank you!"
好想喺呢度睇返ARCC篇文
回覆刪除