2021年5月21日星期五

[UGFR 與財報對話] 唔識睇公司業務?財報三個part即有概念!

 難度:哩民

--------------------

喂屌大家好耐無見啦!呢期小弟忙住番工,睇書睇年報都少左,而且對於投資又有少少檢討式迷惘(比如收息係咪真係咁重要叫,好公司定平公司吖果啲),所以都沉左排。其中最迷嘅莫過於我到底點先可以研究到間公司做乜撚野?點解我睇完份年報好似唔知自己睇左啲乜咁?終於比我搵到一個簡單、快捷、有年報係手就有概念嘅方法,等我以EuroNext 泛歐交易所做例子做一次比大家睇啦!

附上ENX.PA嘅年報比你班懶到嘔嘅仆街,開尼送篇文啦!

首先打開份野睇下個目錄:

乜撚都唔好理,搵左損益表 Profit and Loss / Income Statement 出尼飛過去睇先!


Revenue就係間公司業務收幾多錢啦!其他唔好理住,我地先睇下Revenue個Note 8先!

跟住Revenue嘅Note又叫Segment Report,佢將一舊Revenue按佢賺番尼嘅方法同地區分番開,咁你就睇到間公司做左啲乜又收左幾多錢啦。ENX呢個Case入面我地就可以睇到四大舊:Listing、Trading、Investor Service、Data Service同Post-trade。咁但係作為一個凡人你係唔會知道乜撚野叫custody,Clearing又係啲咩事情尼。呢個時候就要出比殺技,碌上少少個note: 

太上啦又,碌番落少少!

係Notes入面有一項叫Significant Accounting Policies,入面係講解到底啲item係點樣定出尼;Revenue尼講,就係講解個Revenue係咩情況下會分左入去邊個item入面。

Euronext尼講係一頁多少少,唔係話好多但都已經屌出聲。好彩用英文嘅人通常第一句就係重點,比如Listing第一句:

就解釋左啲公司一開始上巿、保持上巿地位Euronext都收錢。

Trading就係啲人交易就收錢啦,應該係最易明嘅一部份。

Data Service就大家可能估唔到,就係你買賣價吖個盤有幾大呢啲data原來都係賣到錢!牛牛串流報價要比錢就係因為佢都有成本⋯⋯然後啲公司比data其他人睇又收番license fee,都咪話唔和味!

仲有Index!果啲乜柒指數基金如果要用Euronext 100 index係要比licensing fee架!

Postrade業務段野仲有解釋咩係settlement, custody and clearing,大家自己睇啦我唔多講啦:

拿其實睇左嘅內容唔多架,但係你睇哂Income statement、Segment notes同埋Accounting Policies你就已經掌握到佢係靠咩搵錢!同一個方法去睇佢搞呢個業務嘅成本都非常有用:

各位巴絲打又可唔可以搵一搵到底佢啲salaries點解咁多,Other Operating Expenses又係咩一回事呢?

-----------------------------

當你睇完佢條水點尼,成本又花左係邊度,咁你對佢個業務都已經有大約認識。呢個時候你就可以開始進入五力模型同護城河分析佢條水到底有幾穏陣可靠,再之後就係估值的事了。

推薦嘅延伸閱讀:
睇佢數簿:五力分析Porter five forces - (NYSE: MSCI) MSCI Inc. 明晟
股感:尋找護城河——深度剖析巴菲特的護城河概念

1 則留言:

  1. 睇財報,雖然係study舊data, 但對了解公司基本面,非常有用。
    謝謝你的用心分享。🙏

    回覆刪除

我嘅願景

金錢、自由與尊嚴:開博文

「果日太古城有個阿叔,好豪咁對住啲狗講話『我攞少少錢出尼就買得起你地三萬隻狗』,果下我先意識到原來錢係咁有用。唔好話買起咩,至少我可以資助我認同嘅事業先」同朋友閒談講起,原來係資本主義嘅世界,錢先最有效嘅選票。 另一個朋友又講起佢係屋企同屋企人困獸鬥,下下比屋企人食住,疫情下又...