廢青選股法：抄廢老功課x掘掘下就有個行業landscape

最近比較懶無乜點drill財報，反而係覺得自己識嘅公司真係比較少，諗緊點樣拎多啲exposure⋯⋯總唔可以成日靠外向巴同數薄大佬餵食架嘛。

其實係之前呢篇文都講過，增加Exposure就係減少FOMO嘅最好方法：你有能力持續發掘好西，對於睇落正嘅野就唔會FOMO，可以沉下心來睇定啲計好數先入。

今日就是但不負責任咁分享兩個我增加exposure嘅方法！

一、成份大法好

含指唔講啦得果50幾隻支那股，但係標普、納指、FTSE100等國家級嘅指數往往係藏寶地，視乎指數納入原則，一般啲成份股都係有相當規模、業務穏定或者高增長，起碼妖極有限先！咁我就用維基嘅資料：

咁500隻股都唔少，夠睇到暈。我自己咁啱想搵啲無持有嘅產業，就跟sector排住睇下先：

其實咁樣browse下都已經學到好多野，比如原來保險都有分Brokers, Life and Health, Multi-line, Property and Casualty, Reinsurance等等，已經非常長知識。我近排就對Brokers呢個Sub-Sector有啲興，呢度Cap左Insurance Brokers果四間比大家睇下先。大家可以好快望一次睇下邊啲行業睇落幾得意抽一兩間出尼睇，至於點睇，可以參考下呢篇。

二、廢老戰法

事緣有日好眼訓就上網搵下巴老最近有咩新搞作，比我發現癍DATAROMA呢個CLS網：

CLS個位在於除左持股，佢仲整理埋個Superinvestor持倉變動同埋歷史、買入價位等等：

咁有呢個工具，我地就可以久唔久上去睇下巴老同佢啲行家買左啲咩、咩價位買，唔係比你直接抄功課，係等你有個起點可以做功課；做完估值可以睇下自己條數同佢地嘅買入價fit唔fit，叫係對下答案咁。

咁我就睇下佢做過咩，是但㩒左入AON，純粹係因為唔係加貨係新買，無原因可言。

如果你抄其他廢老，咁至少你要明白佢奉行咩投資哲學，了解佢點解買入，推算佢會點操作，唔好淨係抄冧把成個傻散咁（淨係抄冧把唔該出番去）。我地知道巴老奉行「合理價格買入優質公司，長期持有，永遠持有」，而巴老係230買入AON嘅；咁我地已經有一支強心針：230起碼係合理價格，AON應該係優質公司。

大家再睇番第一個方法果度，我咪cap左insureance brokers嘅？大家睇下呢條新聞：

AON同WLTW打算合併，但係因為歐美反壟斷法嘅關係，佢地要賣咁啲資產先可以通過，而接手嘅就係標普（同時係全球）四大Brokers之一嘅AJG！呢三間公司係咩料呢？Google「World top insurance Broker」：

（2019數據勿屌）就咁我地可以見到，AON同WLTW本身已經排第二三，合併後將會超越第一嘅MMC，接收WLTW同AON業務嘅AJG都會有所得益。呢資合併似乎係二三四名聯合要顛覆排名嘅一個play；亦都某程度上解釋左巴老點解唔買MMC要買AON，因為佢係the greatest-to-be。

所以其實真係dig入財報之前，有好多資料係誤打誤撞見到、記住，突然就有啲picture，其實投資都幾擴濶眼界架！