點為之高J？價格的「信念」部份

觀眾：跌傷了的人

（呢兩日比較定唔到落尼，要係黨鐵寫文，組織上有啲亂，詞不達意請見諒）

---------------------

早兩日我係自己個IG出左個po笑TSLA係信念股，咁就有啲朋友問我點睇呢隻股，會唔會買，有無得升之類嘅問題。我本身無留意呢間公司，係比人問到先去睇睇。一入到去見到1047倍巿盈率（google TSLA PE）已經知道間野好大機會係一個比巿場overvalue左嘅泡沫，係呢個價格買入絕對係屬於「高追」嘅行為。

何謂高追呢？平時連登（係吖又係連登）啲人講高追通常都係講緊股價已經維持升勢一段時間，算係高位，買入係為「追升勢」，就會用高追呢個詞。

高低係一個相對嘅概念，而係呢個語境入面，「高」普遍係相對近期歷史股價，算係一個技術分析嘅睇法（雖然我懷疑大部份人都無認真咁諗過咩叫高）。而作為一個價值投資者，要講一個股價係高定低，自然就係同佢嘅「價值」作比較。任何買入價格，其所得價值都係內在價值、投機價值同信念價值之和：

價格＝內在價值＋投機價值＋信念價值

通過對企業基本面嘅分析，我地可以推算出企業持續經營加上較可能實現嘅增長嘅價值，穏為「內在價值」。而有啲有可能實現但仲係有相當不確定性，需要較為樂觀嘅情況先可以實現嘅增長，就稱為「投機價值」；呢兩個部份都可以通過對企業基本面以及經營環境嘅了解估算出尼。要留意嘅係，「價值」唔係一個好精確嘅數字，比較似係一個範圍；但如果價格比起最為落觀嘅估值仲有更多嘅部份，我就稱佢為「信念價值」，呢個價值往往係連最樂觀假設嘅增長都都無法解釋支持。隨住價格中無實質支撐嘅信念價值慢慢增加，泡沫就逐漸形成，成為一個相對於推算價值「高估」左嘅價格。

設想一個中六生諗緊讀唔讀大學好。佢發現無學位嘅人平均月入係10k，而有讀A學位嘅人係11k，就咁睇幾好啊可以增加個人所得。如果個A學位只需要12k就可以讀完嘅，咁佢只要做一年多啲就可以回本；如果係6k就可以讀完嘅，咁更加係做半年就可以回本，非常抵讀；但如果要1047k先可以讀，咁要番足88年先回到本！

通過簡單嘅估值，我地可以推算大學學位嘅內在價值係120k；如果南囝好彩嘅情況下入左份工係再多5k嘅，咁就可以視為有30k嘅投機價值（未必得所以有折價）。於是，係學位1000k先有得讀嘅情況下，個學位除在120k內在價值同30k投機價值外，仲有850k嘅信念價值----明明唔抵，但係因為讀嘅人相啲唔可能實現嘅野撐起嘅部份！

相反，如果社會好唔推崇讀大學，令到A學位只需要15k就可以讀完，咁嘅情況下，基於事實嘅內在價值同投機價值唔會減少，但係有-135k嘅信念價值。負嘅信念價值，以呢篇文嘅語言尼講，就係安全邊際，係風險嘅緩衝同獲利嘅空間！

由此可見，一個投資抵唔抵、貴唔貴，總係由價格相對回報決定。為左方便比較，我地會通過分析將回報轉化成「價值」。世上唔會有「有買貴無買錯」嘅資產，價格越高，構成價格嘅虛無信念成份就越高，果部份嘅資金就承受最大嘅風險。

投資者要運用唔同嘅財務數據去估算價值嘅範圍。按採納嘅數字、估值方法唔同會帶來唔同誤差，需要互相對照參考。目前估值主要有三個approach：重置成本、參照交易同現金流折現法。三者有咩唔同，熟優熟劣，等我下篇文介紹！